русский язык
Теннис

Анна Данилина Германиядағы жарыстың ширек финалына шықты

Қазақстанның жұптық сындағы бірінші, әлемнің 25-ракеткасы Анна Данилина Гамбург (Германия) WTA 250 турнирінің ширек финалына шықты, деп хабарлайды ҚазАқпарат тілшісі.

Жарыстың 1-ракеткалары А. Данилина мен ресейлік Александра Панова бастапқы матчын италиялық Нурия Бранкаччи – грекиялық Деспина Папамихаилмен өткізді.

Қазақстандық-ресейлік жұп бір сағатқа жетпейтін бәсекеде 6:0, 6:2 есебімен айқын басымдылық көрсетті. Олар 6 брейк-пойнттың бесеуін құр жіберген жоқ.

А. Данилина мен А. Панова жартылай финалға шығу үшін аустриялықтар Мелани Клаффнер – Синья Крауспен таласады. Бұл дуэт чехиялық Михаэла Байерлова – словениялық Ника Радишичті жеңді – 6:4, 6:1.

Ошибка в тексте? Выделите и нажмите Ctrl+Enter
Пікірлер
;