Азат Мақсұм UFC-дегі жолын сәтті бастады

Қазақстандық файтер Азат Мақсұм (16-0) UFC турниріндегі алғашқы жекпе-жегін өткізді, деп хабарлайды Prosports.kz.

Қаскелең тумасы Лас-Вегаста (АҚШ, Невада) UFC on ESPN 49 турнирінде 39 жастағы америкалық файтер Тайсон Нэммен (21-13-1) төбелесті. Жекпе-жек жеңіл салмақ дәрежесінде өтті. Файтерлер жоспарланған үш раундты октогонда өткізіп, нәтижесінде төрешілер жеңісті Азатқа берді.

Осылайша, Азат Мақсұм ММА-дағы кәсіпқой мансабындағы он жетінші жеңісіне қол жеткізіп, UFC-де сәтті дебют жасаса, Тайсон Нэм он төртінші рет жеңіліске ұшырады.