Сейдахмет «Тобылға» қарсы матч туралы пікір білдірді
«Қайрат» жартылай қорғаушысы Еркебұлан Сейдахмет клубтың баспасөз қызметіне берген сұхбатында ел емпионатының 8-туры аясындағы «Тобылға» (3:2) қарсы матч туралы пікір білдірді, деп жазады Prosports.kz.
– Еркебұлан, жеңіс құтты болсын! «Тобылға» қарсы ойын бойынша пікіріңді айта кетсең.
– Біріншіден, барлықтарыңызды жеңіспен құттықтаймын. Ойын өте қызықты өтті. Осындай әсер алмағанымызға көп болды. Бұл – бапкерлік штабтың, ойыншылардың жеңісі.
– Бірінші таймда жарақат алған Егор Ткаченконы алмастырдың. Кирилл Сергеевич саған қандай нұсқау берді?
– Өкінішке қарай, Егор жарақат алып қалды. Оның орнына оң қапталға шықтым. Ойын алдындағы жаттығуда дайындаған нұсқаулар бойынша ойнадым, яғни алдыда көмектесу және артта ойнау. Бапкердің нұсқауын орындадым деп ойлаймын.
– Екінші таймда алаңға жігерленіп шығып, 3 гол соқтыңдар. Қысқаша айта кеткенде, үзілісте қандай сөздер жеңіске жетуге түрткі болды?
– Бірінші тайм біткен соң үзілісте киім ауыстыратын бөлмеде қай жерде дұрыс ойнап, қай жерде қате жіберіп жатқанымызды айтты. Соның арқасында мүмкіндіктерді дұрыс пайдаланып, алмасып кірген жігіттер ойынды күшейткені байқалды.
– Қарсылас дөрекі ойнағандай көрінбеді ме?
– Жоқ, бұл футбол болғаннан кейін барлық жерде таласып-тартысатыны белгілі. Ең бастысы, ешкім аса қатты ауыр жарақат алып қалмады.
– Алда үйде «Ақтөбеге» қарсы ойнаймыз. Жігіттердің осы матчқа деген дайындығы ерекше ме? Жанкүйерлерге айтарың бар ма?
– Келесі ойынымыз «Ақтөбеге» қарсы. Бәріміз білетіндей, бұл – дерби. Алматыдағы жанкүйерлерді стадионды толтыруға шақырамын. Жеңіске бірге жетейік!