Теннистен ӘЧ: іріктеу кезеңінде Қазақстан жасөспірімдер құрамасының қарсыластары анықталды

<span>Малайзияның Кучинг қаласында 14 жасқа дейінгілер арасында әлем чемпионаты Азия - Тынық мұхит аймағы бойынша іріктеу кезеңінің топтық бәсекелері басталды, деп хабарлайды ҚазАқпарат.</span>

<span>Қазақстан теннис федерациясынан мәлім еткеніндей, іріктеу сайысын алғашқы болып қыздар бастады.</span>

<span>Жеребе қорытындысына сәйкес Қазақстан жасөспірімдер құрамасы А тобына түсті. Онда Аустралия, Жаңа Зеландия және қытайлық Тайбэй құрамаларымен ойнайды.</span>

<span>Бүгін қыздар Жаңа Зеландия және Тайбэй құрамаларымен сынға түседі.</span>

<span>Қазақстан намысын мына спортшылар қорғайды:</span>

<span>Ева Корышева (Ақтөбе);</span>

<span>Сәбина Шухратова (Шымкент);</span>

<span>Еркежан Жаңатаева (Алматы).</span>

<span>Команда капитаны - Мәдина Рахым.</span>

<span>Командалық әлем чемпионатының іріктеу кезеңіне қатысатын 16 команда төрт топқа бөлінген. Әр топтан плей-офф сатысына екі команда шығады. Сосын олар финалдық кезеңге берілетін жолдаманы сарапқа салады. Азия - Тынық мұхит аймағынан ұлдар арасында 4, қыздарда 3 жолдама иесі анықталады.</span>