«Барселона» «Реалдан» 12 ұпайға озып кетті
«Барселона» футболдан Испания чемпионатының 26-турындағы ойында «Реалды» жеңді, деп хабарлайды Prosports.kz.
Барселонадағы кездесу 2:1 есебімен аяқталды. 9-минутта каталониялық клубтың қорғаушысы Рональд Араухо допты өз қақпасына соғып алды. Ал «Барселона» 45-минутта Сержи Робертоның голының арқасында есепті теңестірді. Алаң иелеріне жеңіс добын 92-минутта Фрэнк Кессье салды.
«Барселона» 68 ұпаймен Испания чемпионатында көш бастап тұр және екінші орындағы «Реал Мадридтен» 12 ұпайға озды.
