Абылайхан Жұмабек ұлттық құрамаға шақырту алды

Футболдан Қазақстан ұлттық құрамасының тізіміне өзгеріс енді, деп жазады Prosports.kz сайты ҚФФ-ға сітлеме жасап.

«Қайраттың» шабуылшысы Артур Шушеначев жарақатына байланысты алдағы ойындарға қатыса алмайды. Оның орнын «Ақтөбе» командасында ойнайтын Абылайхан Жұмабек басады.

Еске сала кетейік, ұлттық құраманың оқу-жаттығу жиыны 16 наурыз күні Астанада басталады. Біздің жігіттер Еуро-2024 іріктеу кезеңінде Словения (23 наурыз) және Дания (26 наурыз) командаларымен кездеседі.