ПСЖ бас бапкерін қызметінен босатуы мүмкін

«ПСЖ» президенті Насер Әл Хелайфи Чемпиондар лигасының 1/8 финалында «Бавариядан» жеңіліп қалған париждік команданың бас бапкері Кристоф Гальтьені жақын арада қызметінен босатуы мүмкін, деп хабарлайды Prosports.kz тілшісі matchtv.ru сайтына сілтеме жасап.

Дереккөздің мәліметінше, клуб басшысы германиялықтарға қарсы екі матчтық текетірестегі команданың ойынына көңілі толмаған. Сондай-ақ, Әл Хелайфи ПСЖ екі матчта да гол соға алмағанына наразы. Париждіктер екі кездесуді 0:1 және 0:2 есебімен аяқтады.

Айта кетейік, бұл қызметке үміткерлердің бірі команданы 2018-2020 жылдар аралығында басқарған ПСЖ-ның бұрынғы бас бапкері Томас Тухель.