Литва құрамасының ойыншысы «Қайсарда» қаралымнан өтіп жүр

Литва құрамасында ойнаған жартылай қорғаушы Миндаугас Григавичюс «Қайсарда» қаралымнан өтіп жатыр, деп хабарлайды Prosports.kz.

Бұл туралы қызылордалық клубтың баспасөз қызметі мәлімдеді.

Футболшы мансабында өз елінің командаларында өнер көрсеткен: «Ритеряй», «Йонава», «Стумбрас», «Утянис», «Судува», «Клайпеда». Сондай-ақ, ол латвиялық «Елгава» мен «Метта» командасында ойнаған. Былтыр футболшы «Ритеряй» сапында 22 ойынға қатысып, 5 гол соққан.

Миндаугас Григавичюс «Қайсардың» Түркиядағы оқу-жаттығу жиынына қосылып, әзербайжандық «Шамахыге» қарсы ойында негізгі құрамда алаңға шықты.