Теннис

Қазақстандық теннисші Португалиядағы жарыстың жартылай финалына шықты

Қазақстандық теннисші Португалиядағы жарыстың жартылай финалына шықты

Қазақстандық Тимофей Скатов жекелей сында Брага (Португалия) челленджер жарысының жартылай финалына өтті, деп хабарлайды Prosports.kz тілшісі ҚазАқпаратқа сілтеме жасап.

Дүниежүзілік рейтингте 242-орында тұрған қазақстандық теннисші ширек финалда әлемнің 121-інші, доданың екінші ракеткасы, испаниялық Карлос Табернермен шеберлік байқасты.

Бірінші партия тартысты өрбіп, тай-брейкте Скатов сәтті ойнай білді - 7:6 (7:2).

Екінші сетте Тимофей қарсыласына бірде-бір гейм берген жоқ - 6:0.

Екі сағатқа жуық уақытқа созылған матчта қазақстандық спортшы 5 брейк-пойнттың төртеуін пайдалана алды. Испаниялық теннисші 1 брейкпен шектелді.

Скатов финалға шығу үшін әлемнің 308-ракеткасы, америкалық Николас Морено Де Альборен немесе рейтингте 341-сатыдағы испаниялық Хавьер Косано Барранконың біреуімен таласады.

Бір қызығы, Скатов жұптық сында да К.Табернермен бірге жартылай финалда өнер көрсетеді.

Ошибка в тексте? Выделите и нажмите Ctrl+Enter
Пікірлер 0