Әліп «Зенит» сапында Ресей кубогында толық матч өткізді

Футболдан Ресей кубогында В тобындағы бірінші турдың ойыны өтіп, онда Петербургтің «Зенит» воронеждік «Факелді» қабылдады, деп хабарлайды Prosports.kz.

«Газпром Аренада» өткен кездесу 2:0 есебімен алаң иелерінің пайдасына аяқталды. Матео Кассиер бірінші таймда дубль авторы атанды.

«Зенит» сапында жалға ойнап жүрген «Қайраттың» қазақстандық қорғаушысы Нұралы Әліп негізгі құрамда шығып, 90 минут ойнады.