«Барыс» америкалық шабуылшыны қымыз бен бауырсақпен күтіп алды

«Техас Старз» экс-шабуылшысы Энтони Луис Нұр-Сұлтанға жетті, оны «Барыс» өкілдері қымыз бен бауырсақпен күтіп алды, деп хабарлайды Prosports.kz тілшісі елордалық команданың баспасөз қызметіне сілтеме жасап. 

27 жастағы форвард Қазақстан астанасына «Барыспен» келісімшарт жасасуға келді. Еңбек келісімі бір маусымға жасалады.

Энтони бұған дейін Солтүстік Америкадағы түрлі лигада ойнаған, АҚШ-тың жастар құрамасына шақыртылған. Кейінгі алты жылда АХЛ-да өнер көрсеткен.