Уимблдон чемпионы Елена Рыбакинаның Сан-Хосе турниріндегі қарсыласы анықталды
<span>Уимблдон чемпионы, Қазақстанның бірінші, әлемнің 23-ракеткасы Елена Рыбакинаның Сан-Хосе WTA-500 турниріндегі қарсыласы анықталды, деп хабарлайды Prosports.kz тілшісі ҚазАқпаратқа сілтеме жасап. </span>
<span>АҚШ-та 1-7 тамызда хард төсенішінде өтетін жарыстың алғашқы айналымында қазақстандық теннисші әлемнің 12-інші, осы доданың 7-ракеткасы, ресейлік Дарья Касаткинамен шеберлік байқасады. </span>
<span>Әлемнің 3-ракеткасы, грекиялық Мария Саккари турнирді екінші айналымнан бастап, америкалық Шелби Роджерс немесе канадалық Бьянка Андреескудің біреуімен кездеседі. </span>
<span>Жарыстың екінші ракеткасы болып тіркелген, дүниежүзілік рейтингте төртінші сатыдағы испаниялық Паула Бадоса екінші раундта америкалық Элисон Риске немесе іріктеу сайысы жеңімпаздарының бірімен кортқа шығады. </span>
<span>Алғашқы айналымдағы қызықты матчтар деп мыналарды айтуға болады: </span>
<span>Аманда Анисимова (АҚШ) – Эшлин Крюгер (АҚШ, WC); </span>
<span>Каролина Плишкова (Чехия, 8) – Кэйти Бултер (Ұлыбритания, WC); </span>
<span>Камила Джорджи (Италия) – Гарбинье Мугуруса (Испания, 5); </span>
<span>Наоми Осака (Жапония) – Чжэн Циньвэнь (Қытай). </span>
<span>Доданың жүлде қоры 757 мың АҚШ долларынан асады. Өткен жылы мұнда америкалық Даниэль Коллинз жеңімпаз атанған болатын.</span>
<br /><br />