Қазақстандық төрт клуб Конференция лигасы аясында матч өткізеді. Тікелей трансляция

Қазақстанның және әлемнің спорт жаңалықтарына жазылыңыз

21 шілде күні УЕФА Конференция лигасының екінші іріктеу кезеңі аясында қазақстандық төрт клуб кездесу өткізеді, деп жазады Prosports.kz.

Атап айтқанда, «Қызыл-Жар» – «Осиек», «Қайрат» – «Кишварда»,«Тобыл» - «Линкольн Ред Импс» және «Ракув» - «Астана» матчы өтеді.

Назарларыңызға аталған кездесулердің тікелей трансляциясын ұсынамыз.

Петропавлдық «Қызыл-Жар» елордада ховатиялық «Осиекті» қабылдайды. Бұл матч Нұр-Сұлтан уақытымен 18:00-де басталады. Ойынды QAZSPORT телеарнасы тікелей эфирде көрсетеді.

Чемпиондар лигасының бірінші іріктеу кезеңінен аса алмаған «Тобыл» өз алаңында гибралтарлық «Линкольн Ред Импс» командасын қабылдайды. Қостанайда өтетін матч 20:00-де басталады. Бұл кездесуді де QAZSPORT телеарнасы көрсетеді.

«Қайрат» – «Кишварда» матчы да жергілікті уақытпен 20:00-де басталады. Алматыдан тікелей трансляцияны QAZAQSTAN телеарнасы жүргізеді.

Қазақстандық командалар арасында «Астана» ғана алғашқы ойынын сырт алаңда өткізеді. Елордалықтар Польшада «Ракувпен» кездеседі. Ойын елорда уақытымен 22 шілдеге қараған түні 01:00-де басталады. Кездесуді QAZSPORT телеарнасынан тікелей эфирде көруге болады.