Головкин: Альвареске қарсы үшінші жекпе-жек туралы айтуға әлі ерте

IBF және IBO тұжырымдары бойынша орта салмақтағы әлем чемпионы Геннадий Головкин мексикалық Сауль «Канело» Альвареске қарсы үшінші жекпе-жегі туралы айтты, деп жазады Prosports.kz.

Отандасымыз бұл жекпе-жек туралы айтуға әлі ерте екенін еске салды.

Трилогия 17 қыркүйекте өтеді деген ақпарат бар. Бірақ ол үшін GGG 9 сәуірде Риота Муратаны ал, «Канело» 7 мамырда Дмитрий Биволды жеңуі керек. Қазақстандықтың пікірінше, «Канело» екеуі бірінші кезекте алдағы кездесулері туралы ойлауы керек.

- Бұл туралы қазір талқылау өте ерте, мұнда «егерлер» тым көп. Егер бір боксшы екінші боксшыны жеңсе және т.б. Мамыр айында жекпе-жектеріміз аяқталғанға дейін күтейік. Содан кейін не болатынын талқылай аламыз», - деп келтіреді Головкиннің сөзін The Sun басылымы.