Волейболдан батысқазақстандық қыздар чемпион болды

<p> <strong>Алматы қаласында волейболдан 1997-1998 жылғы қыздар арасында ел чемпионаты аяқталды, &ndash; деп жазады inform.kz.</strong></p> <p> Батысқазақстандық бапкер Көлеңке Ғұбашевтің хабарлауынша, біріншілікке Қазақстанның барлық мықты командалары қатысты. Олардың ішінде өткен жылғы ел чемпионы Петропавл спортшылары, күміс жүлдегер &laquo;Ертіс-Казхром&raquo; (Павлодар), Қазақстан жастар құрамасының негізгі командасы болып есептелетін Алматы қаласының &laquo;Спорт академиясы&raquo; бар. Бірінші ойында Оралдың &laquo;Грация-KZ&raquo; командасы павлодарлықтармен алаңға шығып, 3:2 есебімен жеңіске жетті. Содан кейін Алматы, Шымкент, Ақтау, Петропавл командаларын 3:0 есебімен тізе бүктірді. Ең соңғы кездесуде оралдық қыздар Талдықорғанның &laquo;Жетісу-2&raquo; командасын 3:1 есебімен ұтып, ел чемпионы атанды.</p> <p> &nbsp;</p> <p> Массагет.кз сайты</p> <div> &nbsp;</div>