Путинцева мен Дияс Astana Open WTA 250 турниріне қатысады
Юлия Путинцева (WTA рейтингісінде 33-орында) мен Зарина Дияс (WTA рейтингінде 110-орында) 25 қыркүйек пен 2 қазан аралығында Нұр-Сұлтанда өтетін Astana Open WTA 250 турниріне қатысады.
Жарыс ұйымдастырушыларының айтуынша, қос спортшымыз Ұлттық теннис орталығының алаңдарының көрігін қыздырады, деп хабарлайды ҚТФ баспасөз қызметі.<br /><br />Ұйымдастырушылар шақырғандардың қатарында әлемнің 52 -ракеткасы, ресейлік Людмила Самсонова, әлемнің бұрынғы бірінші ракеткасы және «Үлкен дулыға» додасының бес турнирінде тор жарған француз Кристина Младенович, әлемнің бұрынғы екінші ракеткасы жекелей сында екі Үлкен дулыға турнирінің финалисі - ресейлік Вера Звонарева бар.<br /><br />Халықаралық турнирде сондай-ақ швециялық Ребекка Петерсон (54), чех қызы Тереза Мартинцова (60), Бельгия теннисшісі Алисон Ван Эйтванк (61), румыниялық ойыншы Ирина-Камелия Бегу (63), словениялық Полона Херцог (86), хорваттиялық Анна Конюх (88) және басқалар қатысады.<br /><br />Тағы төрт спортшы іріктеу арқылы турнирдің негізгі кезеңіне өтеді, ал қалған төртеуі ұйымдастырушылардан wild card алады.