Ярослава Шведова мен Андрей Голубев Олимпиадада ұтылып қалды

Қазақстандық теннисшілер Ярослав Шведова мен Андрей Голубев тартысты өткен ойында жапондық спортшылар Эне Сибахар мен Бен МакЛачланнан ұтылып, 2020 жылғы Олимпиададағы ойындарын аяқтады, деп хабарлайды Prosports.kz.

Матч 3-6, 6-7 есебімен аяқталды. Бұған дейін Ярослава Шведова бірінші кезеңде Аустралия өкілі Айла Томляновичке қарсы матчтан бас тартып, жекелей сында 2020 жылғы Олимпиада ойынын аяқтаған болатын.

Андрей Голубев Александр Бубликпен бірге 2020 жылғы Олимпиадада Францияның өкілдері Джереми Шарди мен Гаэль Монфилстен 7-6, 6-7, 8-10 есебімен жеңіліп қалған еді.

Фото: Владислав Семенов, olympic.kz