«Тобыл» өз алаңында Бірінші лига командасынан ұтылды

Қазақстан Кубогы топтық кезеңінің үшінші тур матчында Қостанайдың «Тобылы» өз алаңында «Мақтааралға» қарсы ойнады, деп жазады Prosports.kz.

Қонақ команда кездесуді тамаша бастады. Алғашқы 17 минутта үш гол соғып тастады. Алайда, ҚПЛ командасы бірінші таймда бір гол, екінші таймда екі гол соғып, таразы басын теңестірді. Төреші қосқан қосымша уақытта «Мақтаарал» жеңісті голды соғып кетті.

«Тобыл» — «Мақтаарал» 3:4 (1:3)

Гол соққандар: Седельников 8 (0:1), Оралбай 11 (0:2), Люхай 17 (0:3), Мужиков 30 (1:3), Жұмашев 69 (2:3), Арипов автогол 83 (3:3), Хасейн 90+1 (3:4).