Жалғас Жұмағұлов UFC-дегі бірінші жеңісі үшін қанша сыйақы алды

Қазақстандық файтер Жалғас Жұмағұловтың (14-5) UFC-дегі үшінші айқасы үшін алған сыйақы мөлшері белгілі болды.

Жалғас Жұмағұлов америкалық Джером Ривераға қарсы айқасы үшін 24 000 доллар сыйақы алды. Оның 10 000 доллары октагонға шыққаны үшін берілсе, жеңіске жеткені үшін тағы 10 000 доллар алды. 4 000 доллар ынталандыру бонус ретінде берілген. 

Айта кетейік, Жалғас Жұмағұлов UFC-дегі алғашқы жеңісіне жетті. Бұған дейін екі айқасында жеңіліс тапқан.