Бокс 16.04.2021 13:48

Головкинмен бе? Хайме Мунгуйя рингке 19 маусымда оралады

Қазақстанның және әлемнің спорт жаңалықтарына жазылыңыз

Мексикалық боксшы Хайме Мунгуйя рингке қашан оралатыны белгілі болды, деп хабарлайды Prosports.kz.

Golden Boy Promotions мәліметінше, бірінші орта салмақта әлемнің бұрынғы чемпионы 19 маусымда жекпе-жек өткізеді.

Еске салайық, Мунгуйя 23 сәуірде жекпе-жек өткізуі керек болған, бірақ екеуі де болмай қалды: алдымен поляк Мацей Сулецки жарақаттанды, кейін Деметриус Баллард та жарақат алған. Сондықтан Хайме рингке маусымда оралады.

Әзірше мексикалық боксшының қарсыласы кім болатыны белгісіз. Кездесу Эль-Посода өтеді және транссляцияны DAZN көрсетеді.

Айта кетейік, Геннадий Головкин мамыр не маусымда жекпе-жек өткізбек.

Бұған дейін GGG мен Мунгуйя биыл көктемде жекпе-жек өткізу бойынша келіссөз жүргізген. Бірақ екі тарап келісе алмай қалған еді.

Геннадий мен Хайме келіссөзді қайта бастап, кездесуде келісуі мүмкін. Екі боксшы да бұл жекпе-жектен кетәрі емес.