Александр Бублик АТР рейтингісінде жоғарылады

Кәсіби теннисшілер қауымдастығы (АТР) кезекті рет рейтингті жаңартты. Жаңарған рейтингте қазақстандық Александр Бублик біршама жоғарылаған. 

46-шы орында тұрған спортшы 43-ші сатыға көтерілді. Айта кетелік, бұл Бубликтің өз мансабындағы ең жоғарғы көрсеткіштерінің бірі. Сондай-ақ, қазақстандық Михаил Кукушкин алғашқы жүздікке еніп, 96-шы орынға тұрақтаған. 

АТР рейтингте сербиялық Новак Джокович көш бастап тұр. Екінші орында испаниялық Рафаэль Надаль, үшінші сатыда ресейлік Даниил Медведев.