Хабиб Нурмагомедов, Петр Ян мен Жәнібек Әлімханұлы Головкинге сәттілік тіледі

Орта салмақта IBF және IBO тұжырымдары бойынша әлем чемпионы қазақстандық Геннадий Головкин (40-1-1, 35 КО) мен поляк Камил Шеремета (21-0, 5 КО) арасындағы жекпе-жек алдында GGG-ге спорт жұлдыздары сәттілік тіледі, деп хабарлайды Prosports.kz.

Головкинге UFC чемпиондары Хабиб Нурмагомедов пен Петр Ян, сондай-ақ орта салмақтағы қазақстандық боксшы Жәнібек Әлімханұлы қолдау білдірді. Олардың бәрі Геннадийдің Instagram парақшасындағы жазбаларының біріне сәттілік пен жеңіс тілейтіні туралы пікірлер қалдырды.

Ян «Жеңіс тілеймін» деп жазса, Жәнібек пен Хабиб сәттілік тілеген. 

Геннадий Головкин мен Камил Шереметаның жекпе-жегі Қазақстан уақытымен 19 желтоқсанда таңертең Холливудтағы (Флорида, АҚШ) Seminole Hard Rock Hotel & Casino-да өтеді.