Жұмағұлов төбелесуді тілеген америкалық файтер UFC-ден кетті

Америкалық файтер, UFC-де екі мәрте чемпиондықтан үміткер болған Джон Додсон промоутерлік серіктестігін тоқтатты.

Жауынгердің менеджері Додсон келісімшарттан босатылғанын және басқа нұсқаларды іздейтінін растады. UFC-дің қамқорлығымен Додсон 2011 жылы The Ultimate Fighter 14 жеңіп алғаннан бері ұйымда он жылға жуық уақыт өнер көрсетті.

Соңғы бірнеше аптада Джон Додсон қазақстандық UFC файтері Жалғас Жұмағұловтың қызығушылығына айналды - «Джако» оны Twitter-де бірнеше рет сынға алып, сегізбұрышта оған қарсы шығуды ұсынды.