Роналду «Алтын бутс» жүлдесінен қағылды

Туриндік «Ювентус» шабуылшысы Криштиану Роналду А сериясының 38-турында «Ромаға» қарсы ойнамайды, деп хабарлайды Prosports.kz.

35 жастағы португалиялық бапкерлер шешімімен аталған ойынға қатыспайтын болды.

Осылайша аты аңызға айналған футболшы биылғы маусымның «Алтын бутс» жүлдесінен қағылады. Ол бұған дейін бұл жүлдені төрт рет жеңіп алған.

Роналду А сериясының биылғы маусымында 33 матчқа қатысып, 31 гол соқты. Ал «Алтын бутсқа» үміткер «Лацио» ойыншысы Чиро Иммобиле 36 матчта 35 рет мергендік танытты.