Камил Шеремета: Головкиннен жауап күтіп жүрмін
Қазақстанның және әлемнің спорт жаңалықтарына жазылыңызПоляк боксшысы Prosports.kz сайтына берген эксклюзивті сұхбатында қазақстандық Геннадий Головкинмен жекпе-жегі қашан өтетінін білмейтінін айтты.
- Камил, GGG-мен жекпе-жекке қатысты жаңалық бар ма?
- Саламатсыз ба! Мен әлі ештеңе айта алмаймын. Белсенді жаттығып, жекпе-жектің нақты күнін асыға күтіп жүрмін.
- Яғни, Геннадий Головкинмен жекпе-жек міндетті түрде өте ме?
- Өтеді деп үміттенемін. Біз Головкиннен жауап күтеміз. Мен үшін GGG сияқты үлкен боксшымен жұдырықтасу үлкен мәртебе.
- Головкинмен шайқасуға дайынмын деп ойлайсыз ба?
- Әрине. Мен бұл жекпе-жекке өткен жылдың қараша айынан бастап дайындалдым.
Шеремета промоутері: Ұлы чемпион Головкин жекпе-жектің міндетті екенін растады
Еске салайық, Головкин мен Шеремета осы жылдың көктемінде кездесуі керек еді, бірақ қазақстандық боксшының жарақатына және коронавирус пандемиясына байланысты жекпе-жек белгісіз мерзімге кейінге шегерілді.
Промоутер Эдди Хирннің (GGG кеңесшісі) айтуынша, бұл жекпе-жек 2020 жылдың күзінде өтуі керек.
Айта кетейік, екі боксшы да жаттығуды бастап кетті, рингке оралуға толық дайын.
Шеремета Головкинмен жекпе-жек жайлы: Оны GGG-ден сұрау керек