Қуат Хамитов: Жалғас Жұмағұлов UFC-де топ жарады
Қазақстандық файтер Қуат «Найман» Хамитов Prosports.kz сайтына берген сұхбатында Жалғас Жұмағұловтың UFC-дегі алғашқы жекпе-жегінен не күтетінін айтты.
- Қуат, Жалғас Жұмағұловтың UFC құрамындағы дебюттік матчынан не күтесіз?
- Жалғас бұл салмақта UFC чемпионы болады деп ойлаймын. Бұл тек уақыттың мәселесі. Мен оның салмағында оны тоқтата алатын қарсыласты көрмеймін. Бұл жерде қиынға соғатын жалғыз спортшы - Тагир Уланбеков. Менің ойымша, тек онымен ғана жекпе-жек тең дәрежеде өтеді. Қалғанының бәрін тізе бүктіреді.
Асылжан Бақытжанұлы: Жалғастың аянып қалмайтынына сенімдімін
- Егер жекпе-жек аяғына дейін созылып, бәрін төрешілер шешетін болса, жеңісті бразилиялық Раулиан Пайваға береді деген қорқыныш бар ма?
- Жұмағұловтың соңғы жекпе-жегі бес раундтық форматта өтті. Сондықтан оған үш раунд төбелесу қиынға соқпайды деп ойлаймын. Мен қайталаймын: Жалғасты жеңе алатын файтерді қазіргі таңда білмеймін. Жалғастың жеңетініне еш күмәнім жоқ.
- Жалғас туралы жауынгер ретінде не айта аласыз?
- Техникалық жетілген деп айта алмаймын. Бірақ оның ең басты қаруы - мінезі. Нағыз қазақ рухы. Маған сеніңіз, бәрі бірдей бола бермейді. Қайсар мінезінің арқасында жеңіске жетіп жүр. Спортта қаншалықты талантты болсаңыз да, мінезіңіз болмаса, пайдасыз. Маған ондағы жауынгерлік мінез ұнайды. Бұл оны фанатик етеді.
- Сіз сегіздікке қашан оралуды жоспарлап отырсыз?
- Fight Nights Global ұйымы қыркүйек айында турнир ұйымдастыруды жоспарлап отыр. Мен сол күнге дайындаламын. Егер біз бұқаралық шараларды өткізуге рұқсат етсек, онда мен тамыз айының басында төбелесетін шығармын.
Жалғас Жұмағұлов қатыстан турнирді қайдан көруге болады?
- Сонымен, сізде FNG-пен келісімшарт бар ма?
- Жоқ, тек ауызша келісім.
Еске салайық, Жалғас Жұмағұлов 12 шілдеде Абу-Дабидегі Сарбаздар аралында өнер көрсетеді. Оның қарсыласы бразилиялық Раулиан Пайва болады.
