Қазақстандық Азия чемпионы құрамадан кетіп кәсіпқой боксқа ауысты

Қазақстандық боксшы Бек Нұрмағанбет кәсіби мансабын бастайды, деп хабарлайды Prosports.kz.

Бұл туралы спортшының өзі Инстаграмдағы парақшасында жазды: «Мен командадан кеттім. Про-боксқа ауыстым».

Бек Нұрмағанбеттің әуесқойлар арасында қазіргі Азия чемпионы. Өткен жылы қазақстандық 81 келі салмақта өнер көрсетіп, алтын медаль жеңіп алды. Нұрмағанбет Екатеринбургте (Ресей) өткен әлем чемпионатына баруы керек еді, бірақ жарақатына байланысты турнирге қатысудан бас тартты.