«Астана» шабандозы виртуалды «Джиро д’Италия» турнирінде топ жарды
Атақты «Джиро д’Италия» көпкүндік веложарысы виртуалды форматта өтіп жатыр, деп жазады Prosports.kz.
Турнирдің кезекті кезеңіне қазақстандық «Астана» велокомандасының екі спортшысы қатысты.
Шабандоздар компьютерге қосылған арнайы велостанок арқылы 31,5 шақырымды бағындырды.
«Астананың» екі шабандозы да алғашқы үштікке енді. Атап айтқанда Якоб Фульсанг бірінші орын алса, Алексей Луценко 3-сатыға жайғасты.
Естеріңізге сала кетейік, виртуалды «Джиро д’Италия» веложарысының бірінші кезеңінде қазақстандық шабандозы Алексей Луценко топ жарған болатын. Екінші кезеңде Омар Фрайле екінші, үшінші кезеңде Давиде Мартинелли үшінші орын алған. Ал төртінші кезеңде Горка Исагирре екінші сатыға жайғасты.
Алты кезеңнің қорытындысы бойынша «Астана» жалпы есепте көш бастап тұр.
Virtual stage win@jakob_fuglsang wins the penultimate stage of the #GiroVirtual while teammate @AlexeyLutsenko3 takes third! #AstanaProTeam #Giro #victory pic.twitter.com/ynjBR1EJPo
— Astana Pro Team (@AstanaTeam) May 6, 2020
Айта кетейік, виртуалды «Джиро д’Италия» жарысы 10 мамырға дейін жалғасатын болады.
