Үстел теннисінен өтетін турнирлер шілде айының соңына дейін тоқтатылды

Халықаралық үстел теннисі федерациясының атқарушы комитеті COVID-19 індетіне байланысты біраз шешім қабылдады, деп хабарлайды Prosports.kz.

Атқарушы комитеттің шешімімен, үстел теннисінен өткізілетін іс-шаралардың барлығы 2020 жылғы шілденің соңына дейін тоқтатылды. Сондай-ақ, ардагерлер арасындағы турнирлердің барлығы 2020 жылдың соңына дейін өткізілмейді. Ал Оңтүстік Кореяның Пусан қаласында өтуі тиіс командалық әлем чемпионаты туралы нақты шешім 2020 жылдың маусым айында қабылданады.

TTF атқарушы комитеті 2 маусым күні тағы жиын өткізетінін естеріңізге саламыз.