Қазақстандық нокаутер Қазан қаласындағы бокс кешіне қатысады

Қазақстандық боксшы Диас Тастеміров кезекті жекпе-жегін 4 шілдеде Қазан қаласындағы Ratel Pro Fight промоутерлік компаниясы ұйымдастыратын бокс кешінде өткізеді, деп хабарлайды Prosports.kz компанияның баспасөз қызметіне сілтеме жасап.

Қазақстандық әлем чемпионы Фируза Шарипова да дәл осы турнирде Олимпиада жүлдегері София Очигавамен жұдырықтасады.

Тастеміров тәжірибелі камерундық Херин Сох Фонкумен төбелеседі. Бұған дейін боксшы рингке 23 наурызда Алматыда шығуы керек еді, бірақ ол турнир коронавирустың таралуына байланысты кейінге қалды.