Ауыр атлетикадан ӘЧ. Тан Яюнь - әлем чемпионы

<p> <strong>Ауыр атлетикадан әлем чемпионатында әйелдер арасында 48 келіге дейін салмақ дәрежесінде жүлделер сарапқа салынды, деп хабарлайды &laquo;<a href="http://prosportkz.kz/kz/">PROСПОРТ</a>&raquo;.</strong></p> <p> Бұл салмақта Қазақстанның намысын Азия ойындарының жеңімпазы Маргарита Елисеева қорғаған. Өкінішке қарай, отандасымыз жұлқа көтеру кезінде үш мүмкіндігін де пайдалана алмай, &laquo;баранка&raquo; алды. Осылайша медалист болу мүмкіндігінен ерте айырылған Маргарита серпе көтеру жаттығуында жарысты жалғастырудан бас тартты. &nbsp;&nbsp;</p> <p> Ал 2014 жылғы әлем чемпионы атағын Тан Яюнь алды - 194 (85+109). Күміс медальді қос жаттығу нәтижесі бойынша 189 (84+105) келіні бағындырған түркиялық Сибель Озкан Конак мойнына тақты. Тайландтық Панида Хамсри де жалпы есепте 189 (81+108) келіні көтерген, дегенмен салмағының бірнеше граммға ауыр болуына байланысты Панида қола жүлдені місе тұтты.&nbsp;</p> <p> Айта кетерлігі, Елисеевадан бөлек түркиялық Нурчан Тайлан қос жаттығуда да тапсырыс берген салмағын бағындыра алмады.&nbsp;</p>