Қазақстан құрамасының қорғаушысы мансабын аяқтады

Қазақстандық ойыншы Ренат Абдулин футболшы мансабын аяқтады.

Transfermarkt порталының мәліметінше, 37 жастағы қорғаушы биыл мансабын аяқтауды жөн деп шешіпті. Соңғы рет ол жасыл алаңға өткен жылы «Оқжетпес» сапында шыққан.

Ренат Абдулин мансабында «ЦСКА-Қайрат», «Қайрат», «Восток-Алтын», «Локомотив», «Тобыл», «Қайсар», «Ордабасы», «Атырау» және «Оқжетпес» командаларында ойнаған.

Қазақстан құрамасының сапына 2002 жылы шақырту алып, 2016 жылға дейін өнер көрсетті.