Елордада өтіп жатқан теннис турнирі тоқтатылды

Қазақстан астанасында өтіп жатқан теннистен Nur-Sultan Challenger I халықаралық турнирі тоқтатылды, деп жазады Propsorts.kz.

Ұйымдастырушылары коронавирус таралуының алдын алу үшін қалған матчтарды өткізбеуге шешім қабылдады.

13 наурызда, жарыс тоқтатылған кезде, жекелей сында 1/4 финалдық матчтар, ал жұптық сында жартылай финалдық кездесулер өтуі керек болатын.

Айта кетейік, жартылай финалдың бірінде қазақстандық Андрей Голубев пен Александр Недовесов өнер көрсетуі керек еді.