Әлемнің үшінші бай адамы «Миланды» сатып алады

XXI ғасыр басындағы үздік клубтардың бірі «Миланда» тағы басшылық өзгереді, деп хабарлайды Prosports.kz.

Әлемдегі ең бай үш адамның бірі Бернар Арно италиялық клубты сатып алады. Кәсіпкер Louis Vuitton, Moet & Chandon, Dom Perignon, Hennessy and Dior-ға иелік етеді, оның байлығы 85 миллиард еуроға жеткен. Ол жер шарында байлығы жөнінен Джефф Безос пен Билл Гейтстен ғана қалып келеді.

2017 жылдың көктемінде Сильвио Берлускони клубты қытайлық консорциумға сатты, сәл кейінірек команда америкалық Elliot инвестициялық қорының қол астына өтті.

«Миланға» иелік ету үшін Арно бір миллиард еуросын қиюға дайын.