«Астана» баскетбол клубы жаңа ойыншымен толықты

«Астана» баскетбол клубы америкалық Айзей Уайтхедпен келісімшартқа отырды, деп жазады Prosports.kz клубтың баспасөз қызметіне сілтеме жасап.

Айзея Уайтхед 1995 жылы АҚШ-тың Бруклин қаласында туған. Америкалық кәсіпқой баскетболшы қорғаушы болып ойнайды.

«Лонг-Айленд Нетс», «Локомотив-Кубань», «Детройт Пистонс» клубтарында ойнаған тәжірибелі ойыншы өзінің Инстаграм-парақшасына елордалық баскетбол командасына ауысқанын жариялап үлгерген.