Қыз үшін таяқ жеген футболшыға «Челси» аяушылық танытты

«Бернли» сапына жалға алынған «Челсидің» жартылай қорғаушысы Дэниел Дринкуотер түнгі клубта соққыға жығылды, деп хабарлайды Prosports.kz сайты. 

Ішіп алған хавбек «Сканторп Юнайтед» Кгоси Нтленің сүйіктісіне тиіскен. Нтле Дринкуотерге қыздың мазасын алмауды өтінген.

Айтқан тілді алмаған 29 жастағы Дэниелді алты адам жабылып, соққыға жықты. Нәтижесінде ағылшындық ойыншы тобықтан жарақат алды.

Бұл оқиға бойынша «Челси» клубы Дринкуотерге тәртіптік жаза қолданбайды.