Бокс

Деревянченконың бапкері: Мен өз шәкіртімнің жеңісіне кәміл сенемін

Деревянченконың бапкері: Мен өз шәкіртімнің жеңісіне кәміл сенемін

Украиналық боксшы Сергей Деревянченконың бапкері Андре Розье Головкинмен болатын жекпе-жекке қалай дайындалып жатқанын айтты, деп хабарлайды Prosports.kz сайты.

«Біз барымызды салып жұмыс істеудеміз, жаттығып жатырмыз. Сергей джеб жасауда әлсіз. Алайда біз оны жақсарту үшін мықтап дайындаламыз. 

Артқа кетуді үйреніп жатырмыз. Сергей балғабас акула секілді жұдырықтасатын болады. 

Ең бастысы, ол мені тыңдайды. Деревянченкоға бағытын өзгерту керек болса, ол өзгертеді. Мен өз шәкіртімнің жеңісіне кәміл сенемін», - дейді Розье.

Андре Розье бұған дейін Кёртис Стивенс пен Дэниэл Джейкобсты Головкинге қарсы жекпе-жектерге дайындаған.

Бұған дейін Розье Головкин туралы: «GGG – жеңілмеген боксшы. «Канеломен» өткізген екі айқаста да Головкин жеңді деп санаймын. Ол соққысы жойқын боксшы, бірақ Сергей де мықты» деген болатын.

Айта кетейік, Головкин мен Деревянченко 5 қазанда Нью-Йоркте IBF-тің орта салмақ санатында бос тұрған әлем чемпионы титулы үшін айқас өткізеді.

Түпнұсқасы: Prosports.kzОшибка в тексте? Выделите и нажмите Ctrl+Enter
GGG

GGG

Геннадий Геннадьевич Головкин бокс жаңалықтары онлайн, келесі жекпе-жег, Толығырақ

Пікірлер 0