GGG: Тек Канелоға ғана тіреліп қалмаймыз
Қазақстандық кәсіпқой боксшы Геннадий Головкин Канеломен үшінші жекпе-жегінің не үшін өткізілмегенін айтты, деп хабарлайды Prosports.kz сайты.
«Мен онымен қыркүйек айында жұдырықтасуға дайын едім. Бірақ олар шаршы алаңға шығудан бас тартты. Бұл - олардың шешімі.
Сондықтан барлық сұрақтарды соларға қойыңыздар. Мен әрі қарай жылжимын. Біздің де өз жоспарларымыз бар. Тек Альвареске ғана тіреліп қалмаймыз», - деді Головкин.
Естеріңізге сала кетейік, кеше Геннадий Головкин IBF атағы үшін украиналық Сергей Деревянченкомен жекпе-жек болатынын ресми түрде жариялады.
Сондай - ақ, қазақстандық боксшы әлемнің үздік промоутерлерінің бірі Эдди Хирнмен серіктес атанды.
