Деревянченко Головкин туралы пікір білдірді

Украиналық боксшы Сергей Деревянченко (13-1, 10 КО) ІВF тұжырымы бойынша алдағы орта салмақтағы әлем чемпионы атағы үшін Головкинмен өткізетін жекпе-жек туралы пікір білдірді, деп жазады Prosports.kz Boxingscene.com сайтына сілтеме жасап.

«Командамның орта салмақта әлем чемпиондығына таласуыма кезекті бір мүмкіндік тудырғанына қуаныштымын. Мен Головкинді құрметтеймін және өзімнің әлем чемпионы атану жайлы арманымды жүзеге асыру үшін рингке шығуды асыға күтемін. «Мэдисон Сквер Гарденге» келетіндер және DAZN стримингтік қызметінің трансляциясын тамашалайтындар сұрапыл жекпе-жекке куә болары анық. Сол күнді тағатсыздана күтемін», - деп мәлімдеді Деревянченко.