«Астана» бапкері: Жолымызды Еуропа Лигасында жалғастырамыз
«ЧФР Клуж»-«Астана» арасындағы кездесу аяқталғаннан кейін елорда командасы бас бапкері Роман Григорчуктың қатысуымен баспасөз жиыны өтті:
— Дәл қазір ойынды талдап беруге көңіл-күй мүлде жоқ. Біз оны өз арамызда талдайтын боламыз. Мен қарсыласты құттықтағым келеді. Біз жеңілдік, енді Еуропа Лигасында жолымызды жалғастырамыз.
— Сіздің алдағы жоспарыңыз қандай болмақ?
— Біз Еуропа Лигасында ойнаймыз. Сол жақта барынша нәтижелі ойын көрсетуге тырысатын боламыз.
— «Астана» ойынды өте жақсы бастады. Әрі қарай не болды?
— Біз стратегиялық тұрғыда жылдам гол соқтық. Қарсылас команда одан кейін қысым көрсетіп, өздерінде болған гол соғатын мүмкіндіктерді лайықты пайдаланды. Нәтижесінде қажетті жеңістеріне қол жеткізді.
