Алматыда волейболдан халықаралық турнир өтіп жатыр

Алматыдағы "АВВ Arena" спорт залында 11-15 желтоқсан аралығында волейболдан ерлер арасындағы "Буревестник кубогы" халықаралық турнирі өтуде

Бұл жарыста Қырғызстан, Өзбекстан, Түркіменстан, Ресей жəне "Буревестник-Алматы" клубы өнер көрсетуде. Бұл жайында "HUB" ақпараттық-спорттық орталығы хабарлайды.<br /><br /><span>Кезінде Қазақстан волейболының даңқы алысқа жайылды. Алпысыншы жылдардың екінші жартысы мен жетпісінші жылдардың басында Алматының Буревестнигі" талай биік белестерді бағындырды.</span><br /><br /><span>Атап айтсақ, 1969 жылы КСРО чемпионы атанып, 1970 жəне 1971 жылы Еуропа чемпиондары кубогын олжалады. Осы ұжымда шеберлігін шындаған ойыншылар уақыт оза өз дəуірінің  теңдессіздеріне айналды.</span><br /><br /><span>Араларында Олимпия ойындары, əлем жəне құрлық чемпионаты жəне басқа да халықаралық жарыстарда жеңіс тұғырына көтерілгендер бар.</span><br /><br />Міне, осы даңқты команданың құрметіне жыл сайын осындай керемет жарыс ұйымдастырылуда. Енді ол дəстүрлі түрде өтеді.