Волейболдан клубтар арасындағы Азия чемпионаты: Бірінші күннің қорытындысы

Өскеменде волейболдан клубтар арасындағы Азия чемпионаты басталды. Жарыстың алғашқы күнінде үш матч өтті, деп жазады Олимпиада комитетінің ресми сайты.

Күндізгі сессияда Вьетнам волейболшылары Шри-Ланканы 3:0 есебімен жеңді. 

Түскі сессияда өткен жылы чемпиондық атаққа ие болған Таиланд қыздары Қытайды 3:0 есебімен ойсырата ұтты.

Кешкі бағдарлама аясында жарыс жолына шыққан қазақстандық команда Ираннан келген команданы 3:0 есебімен жеңіп кетті.

Еске сала кетейік, клубтар арасындағы Азия чемпионатына 9 команда қатысып жатыр. Қазақстан намысын биыл ел біріншілігінде чемпион атанған "Алтай" волейбол командасы қорғауда.