Алты қазақстандық боксшы халықаралық турнирдің финалында

Бокстан Қазақстан құрамасының боксшылары Польша астанасы Варшавада өтіп жатқан Феликс Штамм атындағы турнирге қатысуда.

Қазақстандық боксшылардың алтауы финалға шықты.

Финалға шыққандар қатарында қазақстан құрамасының капитаны Әділбек Ниязымбетов та бар. Әділбектен өзге турнирдің бас жүлдесіне Антон Пинчук (91кг дейін), Абай Төлеш (75кг дейін), Асланбек Шымбергенов (69кг дейін), Бекдәулет Ибрагимов(64кг дейін) және Ілияс Сүлейменов(56 кг дейін) таласады.

Финалдық кездесулер ертең өтеді.