Қазақстан әйелдер құрамасы Ельцин кубогына қатысады

Волейболдан Қазақстан әйелдер құрамасы халықаралық Ельцин кубогы турниріне қатысады. Бұл туралы Свердловск облысы дене шынықтыру және спорт министрлігінің баспасөз-қызметі хабарлады.

Екатеринборда өтетін жарыс 26 маусымда басталып, сол айдың 30-на дейін жалғасады.

Аталмыш додаға Қазақстаннан бөлек, Ресей, Болгария, Түркия және Сербия құрамалары қатысады. Командалар бір-бірімен өзара ойнап шығып, жеңімпазды анықтайды.