Әбибә Әбужақынова Азия ойындарының күміс жүлдегері атанды

Қазақстандық дзюдошы Әбибә Әбужақынова Жапонияда өтіп жатқан жазғы Азия ойындарында күміс медаль жеңіп алды, деп хабарлайды Prosports.kz.

Спортшы 48 келіге дейінгі салмақ дәрежесінде өнер көрсетті.

Алтын медаль үшін өткен шешуші белдесуде Әбужақынова Жапония өкілі Мицуки Кондомен кездесті. Белдесу мерзімінен бұрын аяқталды. Жапониялық спортшы нәтижелі әдіс жасап, иппонмен жеңіске жетті.

Осылайша, Әбибә Әбужақынова екінші орын алып, Азия ойындарындағы жүлделер қоржынына күміс медаль қосты.

29 жастағы дзюдошы үшін бұл Азия ойындарындағы екінші жүлде. 2023 жылы Қытайдың Ханчжоу қаласында өткен Азия ойындарында Әбужақынова да финалға дейін жетіп, күміс жүлдегер атанған еді.