Қазақстан құрамасы Ұлттар лигасындағы алғашқы матчында тең түсті

Қазақстан ұлттық құрамасы Ұлттар лигасының жаңа маусымындағы алғашқы матчында тең түсті, деп хабарлайды Prosports.kz.

Турнирдегі алғашқы кездесу Фарер аралдарына қарсы Торсхавн қаласындағы «Торсволлур» стадионында өтті.

Ойынның 14-минутында есеп ашылды. Аки Самуэльсен айып алаңындағы әріптесінің пасынан кейін қақпаға соққы жасап, допты маңдайшаның астына бағыттады. Осылайша алаң иелері есепте алға шықты.

Қазақстан құрамасының жауабы көп күттірмеді. 26-минутта бұрыштамадан кейін Темірлан Ерланов қарсыласынан бұрын қимылдап, баспен соққы жасап, есепті теңестірді.

Екінші таймда командалар екінші голды соғуға мүмкіндік іздеді. Қазақстан қақпасының маңында қауіпті сәттер көбірек болды. Алаң иелері бірнеше рет қайтадан алға шығуға мүмкіндік алғанымен, шабуылдарын голға айналдыра алмады.

Осылайша кездесу 1:1 есебімен аяқталды. Қазақстан құрамасы Ұлттар лигасының жаңа маусымындағы алғашқы ұпайына қол жеткізді.

Джон ван ’т Схип шәкірттері келесі матчын 29 қыркүйекте сырт алаңда Словакияға қарсы ойнайды.

Фарер аралдары — Қазақстан — 1:1 (1:1)

Голдар: Самуэльсен, 14 — 1:0; Ерланов, 26 — 1:1.