Бэйли «Барыста» жарқын дебют жасап, ҚХЛ-де бомбардирлер көшіне жақындады

«Барыстың» америкалық шабуылшысы Джастин Бэйли Құрлықтық хоккей лигасында (ҚХЛ) маусымды жоғары қарқынмен бастады, деп хабарлайды Prosports.kz.

Шабуылшы өзінің ойынымен сарапшылар мен жанкүйерлердің назарын бірден аударды.

Қазақстандық клубтың жаңадан қосылған ойыншысы ҚХЛ-дағы алғашқы екі кездесуінде 6 ұпай (3 шайба + 3 нәтижелі пас) жинап, жоғары нәтижелілік көрсетті.

Осындай жарқын ойынының арқасында Бэйли бірден статистика көшбасшыларының қатарына қосылды. Қазіргі таңда ол ҚХЛ-дың жалпы бомбардирлер жарысында екінші орында тұр. Бірінші орында СКА шабуылшысы Николай Голдобин – 7 ұпай (0+7).

Соңғы бірнеше маусымда астаналық команда сапында бірде-бір легионер маусымды мұндай жоғары нәтижемен бастаған жоқ.