Махачев Джордан Берроуздың RAF-тағы шақыруына жауап берді

UFC-дің жартылай орта салмақтағы чемпионы Ислам Махачев америкалық еркін күрес лигасы RAF-та өнер көрсету туралы ұсынысты қарастырмады, деп хабарлайды Prosports.kz.

Ресейде өткен RAF турнирінде Магомед Құрбаналиевті жеңгеннен кейін Олимпиада чемпионы Джордан Берроуз Махачевке ортақ белдесу өткізуді ұсынған болатын. Алайда ресейлік спортшы жекпе-жектің басқа форматында кездесуді жөн көрді.

Махачев Берроуздың әлеуметтік желідегі видеосына жауап беріп, америкалық балуанды октагонға шақырды.

«Жеңісіңмен құттықтаймын, аңыз! Торда кез келген уақытта, кез келген жерде», — деп жазды UFC чемпионы.

Джордан Берроуз 38 жаста. Ол 2012 жылы Олимпиада чемпионы атанған. Сонымен қатар еркін күрестен әлем чемпионатында алты рет алтын медаль жеңіп алған.