Қуат Хамитов Қазақстан құрамасының ойынына қатысты қатты пікір білдірді

Қазақстандық аралас жекпе-жек шебері Қуат Хамитов Ұлттар лигасында Фарер аралдары құрамасымен болған матчтан кейін Қазақстан құрамасының ойынына қатысты өткір пікір білдірді (2:2), деп хабарлайды Prosports.kz.

«Елімізде ең жоғары жалақы алып, елді осылай лайықты түрде ұятқа қалдыруға болатынын білмеппін. Мен спортта алаңда болғаны үшін емес, нәтиже көрсеткені үшін ақша төленеді деп ойлайтынмын. Иә, мен тірі кезімде футболды жауып тастасаңыздар екен. Сонда жаным тыныш өлер еді», – деп жазды ол әлеуметтік желіде.

Джон ван ’т Схип шәкірттері Ұлттар лигасының қазіргі маусымында әлі жеңіске жеткен жоқ. Қазақстан құрамасының еншісінде Фарер аралдарымен болған екі тең ойын, сондай-ақ Словакия мен Молдовадан жеңілді.

13 қарашада қазақстандық футболшылар кезекті тур аясында сырт алаңда Молдовамен кездеседі. Ал 16 қарашада Словакия құрамасын өз алаңында қабылдайды.

Бұған дейін Қазақстан құрамасының екі матчта да жеңіске жеткен жағдайда да топта бірінші орын алып, жоғары дивизионға тікелей көтерілу мүмкіндігінен айырылғаны белгілі болған еді. Дегенмен Схип шәкірттері плей-оффқа шығу үшін күресе алады. Ол үшін Молдова мен Словакияға қарсы кездесулерде барынша алты ұпай жинау қажет.