Рахмонов UFC-дегі аузын «біржола жапқысы» келетін файтерді атады

Қазақстандық UFC файтері Шавкат Рахмонов октагонда кездескісі келетін қарсылас ретінде америкалық Хоакин Баклиді атады, деп хабарлайды Prosports.kz.

— Егер бір файтерді таңдап, оның аузын біржола жапқың келсе, ол кім болар еді?

— Мына қара бала. Бакли, иә.

— Баклиге не болды?

— Ол үнемі бірдеңе айтады, бірдеңе жазады. Иә, маған ұнамайды. Мүмкіндік болса, оны ұрамын.

— Онымен жеке кездесіп қалсаң, барып сұрайсың ба?

— Не үшін барып төбелесуім керек? Ол көшеде менімен төбелесуге өзі шыққысы келмейді. Ол мұның бәрін айтып, ақша тапқысы келеді, рингке шығып төбелескісі келеді. Рингте болса, бәрі дұрыс болады, — деді Рахмонов.

Рахмонов соңғы жекпе-жегін 2024 жылдың желтоқсанында Лас-Вегаста өткен UFC 310 турнирінде өткізді. Сол кезде Қазақстан өкілі ирландиялық Иэн Гэрриді жеңді.

Одан кейін Рахмонов сол жақ тізесінен алған ауыр жарақатына байланысты октагонға шыққан жоқ. Жарақатына байланысты оған бірнеше рет ота жасалды. Оңалту кезінде спортшының жарақаты қайта асқынып, оның жекпе-жекке оралу мерзімі тағы да ұзарып кетті.